قصيدة طعناتن عرايا للشاعرة غادة العاشق

ياحبيبـي علـم دروبــك علـيـه لو نسيت الـدرب تذكرنـي الزوايـا
جرح واحد وانتهـى بااخـر شظيـه ودمع غالي وانهمر وسـط الحنايـا
والحروف اللي بكت خـوف الخطيـه مابكـت الا علـى شعـر وهـدايـا
صرت لي قاتل وانا صرت الضحيـه سامحك ربي علـى جـرح وخطايـا
شاعره والشعر اصبـح لـي قضيـه كاتبـه والحـرف ذوقنـي عنـايـا
كنت اشوف الحـب قصـه نرجسيـه وصرت اشوف الحب طعنات(ن) عرايا
والخفوق اللـي حفـظ حبـك هنيـه انتهى مـع دمعتـي واخـر عزايـا
كنت احسبك قيـس ليلـى العامريـه وكنت احسبك ضي يضوي لي سمايا
وكنت احسب ان الغلا احـلا عطيـه والعطـيـه مثلـهـا رد العطـايـا
لاتزيـد الجـرح كيـه فـوق كيـه ولا تعذبنـي وانـا اشوفـك هنايـا
وياحبيبـي اعتبـر فـيـه وفـيـه خلني ذنبـك وانـا برضـى بشقايـا
ولاتناديني وانـا ماارضـى الرديـه دام بعت القلب شلتـك مـن فضايـا