الرجل لا منه وصل سن اربعين=وام البزوره ماتوسع خاطره

الرجل .. لا منه .. وصل سن ... أربعيـن
و ام البـزورة ..مـا توسـع .. خاطـره
ماهيب .. تتعوذ من.. أبليـس .. اللعيـن
حمقى .. و دايـم بالمشاكـل .. شاطـره
يرضى بما يقسمـه ... رب ... العالميـن
و يصبر .. إلين المزن .. ينـزل ماطـره
و يدعي .. لعل الله .. على الدنيا .. يعين
و يوصـي .. اُوليـده .. ينقـي فـاطـره
و ألا يناقشها .. عسى وضعـه .. يزيـن
و يسمّـح .. المعبـود .. درب القاطـره
ون .. ما لقـى مـردود .. بالله يستعيـن
يبحث .. عن اللي بالحيـاة ... تشاطـره
بنت الكرام ... اللي بها .. حكمـة و ديـن
و أوصافها .. عن ما سبـق .. متشاطـرة
قلته .. و أنا قسمي .. من الـدر الثميـن
شاكر .. ولا احـب الرجـال .. الباطـرة
لكن .. اصور حال بعـض ... المستحيـن
في بيت .. شعر(ن) .. من هجوسي ساطرة
و الزوجه السنعة .. بهـا .. ود و حنيـن
و تشـارك الرجـال .. فـي .. مخاطـرة
و اللي يمس .. شعورهـا .. و ألا يهيـن
ودك .. على خـده .. بكفـك .. ساطـرة
ذي نظرتـي .. و العاقبـة .. للمتقـيـن
و اقـول .. للـي قـال .. كبـده فاطـره
حياتنـا .. مليـا علـى .. مـر السنيـن
بالذكريـات .. المؤلمـة .. و العـاطـرة
و الادمي .. مخلوق مـن مـاءٍ .. مهيـن
لو .. الذهب .. سيطـر علـى .. قناطـره