رسائل نصيه جميله

موضوع: رسائل نصيه جميله 31.05.10 13:29

ااااااا [ رسـايـل نـصـيـه ] ااااااا
===========1==========
أكتب وخطي له قوانين وأثبات
وأقيس هرجي بالفكر قبل ماقوله
تفني رجال وذكرها حي مامات
بيت الفخر ماكل يمنى تطوله
فتشت بكتاب الفخر والمروات
لقيتكم ساس الفخر والرجوله
==========2===========
ليتك تشوف اللي بقلبي وتقراه!!
وتعرف مكانك داخل القلب بوضوح!!!
وتشوف حبك كيف قلبي تبناه!!
وتعرف مدى تأثير حبك على الروح!!!
حبك ملك قلبي من أقصاه لأدناه!!
وأقسم قسم لوتأخذ الروح مسموح!!!
==========3===========
سلام ياسبع الخلا خالي العيب
سلامن أحلى من نسيم الهبايب
عد الجبال وعد عشب الأداعيب
وعد النجوم وعد وبل السحايب
على رفيق يدرك المدح والطيب
متسلسلن بالطيب من راس شايب
==========4===========
أوعدك لو دارت الدنيا ومالت وكلن راح بطريق!!
وضعنا في بحر الفراق وأدري بحره عميق!!
أبقى لك أوفى صديق في الحضور وفي المغيب
وماتهون أجمل معزه ومايهون أجمل عزيز
==========5===========
جتني رساله شالت الهم عني
نستني جروح الليالي والأيام
منك الرساله يوم جتني خذتني
من عالم التفكير لديار الأحلام
أدري وفي وفيك ماخاب ظني
من لامني بحبك جعله اليوم ينلام
==========6==========
أسمع صدى صوتك وأدورك وين أنت ؟؟
وأصيح بين الناس <<<سامعك وينك>>>
ردوا على الناس مسكين ياأنت!!
اللي سمعته بين نفسك وبينك!!
الصوت هذا مصدره داخلك أنت
في وسط قلبك ساكن نور عينك
==========7==========
كان هالدنيا خذت مني قربك
تتعب الدنيا لجل تاخذ غلاك
==========8==========
أخر خبر/
ماودي أجرح هجعة الليل واصيح..
صوتي صداه يثير صمت الذيابه..
مليت هم وصبر مليت تجريح..
صدري لطعنات المواليف غابه..
رضيت أعيش بوادي الرمث والشيح..
عقب الرفيق اللي "جرحني غيابة"..
=========9==========
هو ار يو؟ ياللي برسايلك أبطيت
وير آر يو؟ عني ... تراني تجننت
وت إيز هابند؟ ياعسى ماتناسيت
تو منث ... غايب عقب مافيك أدمنت
بيكوز حبك إنقليزي تحاكيت
بليز تكفي عالج القلب لاهنت
==========11==========
غايتي ومناي بالدنيا رضاك
لو يقولون العرب صابه جنون
لو جفوني من نهوني عن هواك
أذا رضيت فرقاهم عندي يهون
لو تغيب سنين قلبي ماأنساك
لو تعذبه المواجع والطعون
حالف ماأنساك لو بعدك هلاك
ومن حفظ عهد المحبه مايخون
==========12==========
أمانه لو ضاق خلقك
خذ قلبي تسلى فيه
وأذا نبضه وقف بيدك فدي عيونك أنا ما أبيه
==========13==========دار الزمان وشفت فيه العجايب
شفت الغلا والبين والزين والشين
شفت القلوب الحاقده والحبايب
واللي يعيش بوجه واللي بوجهين
تلقى الجفا والصد طبع القرايب
وإلا الوصل والطيب طبع البعيدين
==========14==========
أن تفرقنا وخانتنا الظروف
والمسافه كل يوم تتسع
كلما خطيت من أسمك حروف
أذكرك وأقول يارب نجتمع
ما نسيتك لو تقطعني السيوف
وكيف أنسى شخص في قلبي طبع
==========15==========
من نسى في زحمة الدنيا رفيقه
قلت له عندي رفيق مانساني
لو يطول الوقت ويطول طريقة
أدري انة لو يطول البعد جاني
بيني وبينة على العشرة وثيقة
أنا بديته بالوفا وألابداني
صرت عنده بالغلا حسبت شقيقة
وهو بعد غالي ومن حسبت إخواني
==========16==========
مهما زاد الجفى وأنقطع مرسالي
مهماطال الزمن وإختفى وصالي
لا يخدعك ياخلي مظهر إعتزالي
المحبه بالقلب والذكرى ماغابت عن بالي
ومكانك الغالي دايم بالعالي
(هذى الحقيقه)
مايحتاج أثبتها برسايل جوالي؟
==========17==========
ياصاحبي قدرك على العين والرأس
ياراعي العليا لك القدر عالي
أرسل سلامي لك مع كل نسناس
من قلب صادق من صديق موالي
أنت الخوي ومعرفتك ترفع الراس
وخطي ينوب عن جيتي وأتصالي
==========18==========
في غيبتك تثقل علي الدقايق
والوقت مع غيرك فلا عاد ينطاق
ربطتني مابين عهود وثايق
وخليتني بين القصايد والاوراق
واليوم أقولك دون الخلايق
ماعيني لغيرك من الناس تشتاق
==========19==========
ياشـوـوـوـوق
خبرني عن اللي أنا أغليه؟
عن واحد
روحي بحبه شغوفه
أغليه من بد المخاليق وأفديه
وأحس للدنيا طعم يوم أشوفه
يطلب عوني
يطلب القلب وأعطيه
وأرهن حياتي بين ضمة كفوفه.
==========20==========
أعاهدك ببقى أنا وأنت خلان
ودرب المحبه يالغالي ندله
ياصاحبي خل المحبه لنا إنسان
إنسان مايرضى بحكم المذله
ببحرأنا وياك من دون ربان
نمشي ببحر فيه الأشواق فله
أنا معك والبحر والغيم خلان
مانفترق لو كلن يموت بمحله
==========21==========
مدرس مصري سأل طال_ب : أذكر أسم حيوان يطير؟
الطالب: الفيل.
عصب المدرس وقال: أنت متفهمش.
أسمك أيه؟
الطالب : بندر آل سعود
المدرس : بص يابندر هو الفيل ممكن يطير بس لما يشد حيله شويه
==========22==========
تعرف وش العذاب على أصوله!
العذاب أنك تحب أنسان مايعرف غلاتك؟
العذاب أنك تحب أنسان يتجاهل حدودك؟
العذاب أنك تحس بالغربة عند أقرب أحبابك؟
العذاب أنك تحس رفيقك أكتفى من
وجودك؟
العذاب يموت قلبك قبل يومه؟
==========23==========
لاتشتكي هم ولاضيقة البال
أنا عضيدك يوم تقسى لياليك
أسند على اللي ماشكى جور الأحمال
لاجاه مرسولك يلبي ويجيك
أقولها ماني كذوبآ ومحتال
خذني سلاحك لاحصل من يعاديك
==========24==========
المشكلة ماهي بطاعن ومطعون
ولاقضيه حلها بيد قاضي
ولامشاكل بين ياسر وشارون‏
أطرافها عيت بحل التراظي‏
المشكلة لاصرت عاشق ومفتون‏
واللي تحبه ماهو بداري
==========25==========
طالبك خذ قلبي معك لاتخليه
أخذه ترى ماعاد لي فيه حاجه
لاصرت عني مبعد ويش أبي فيه
خله معك مادام صعب أنتواجه
مالي مزاج أحب غيرك
واحاكيه
حتى لوأني كنت داخل مزاجه
غلاك مهما كان ماني بناسيه
منساه لوغيرك ضحك لي حجاجه
كمل جميلك طالبك لاتخليه
أخذه ترى ماعاد لي فيه (حاجه)
==========26==========
يمكن تغيب أيام وأيام وأيام
وفيها تسج ولايجيني أتصالك
لكن تأكد والوعد دوم قدام
ماغبت عن عقلي وفكري وبالي
خذها عهد مني على مر الأعوام
أن جيت غالي وأن تباعدت غالي
==========27==========
نشرة الأحوال الأخويه
المناخ:
إخاء دائم يصحبه صفاء ولقاء
الطقس:
تلبد محبه تحجب أشعة البعد
الرياح:
أشواق قويه تهز الفراق
‏المتوقع:
هطول بوسات للأحباب وتهاني بمناسبة ....
==========28==========
فديت اللي كتب أسمي بجواله
سئل عني وخطر ذكري على باله
تذكرني عساني ماأنحرم من أوصاله
عساه دوم يذكرني راضي بس برساله
يكفي يعرف معزتنا ويطمني على حاله
عسى الله لايحرمنا ولايقطع إرساله
==========29==========
أخرت مرسالي!!
لجل تشتاق وأشتاق؟
وأشوف بسمتك اللي لها القلب يشتاق؟
لي ذاكره ماغبت عنها دقيقه؟
أشغلتها بالحيل في كل الأفكار
ولي قلب لو ينسى البشر والخليقه؟؟
إلا أنت ماينساك لوصار ماصار
==========30==========
تخونك عينك وقلبك ولا مني يجيك قصور
يخونك ناسك وربعك ولا صكيت لك بابي
ولو كلي ألم أنزف أبظهر لك فرح وسرور
ولا برضي ولا مره يصيبك جرح بسبابي!!
==========31==========
فريت صندوق الرسايل ولافاد
عجزت ألاقي مايوازي غلاكم
هي كلمه في صدورنا دوم تزداد
نعزكم ونحب لحظة لقاكم
القلب واله حيل والقلب وقاد
ولو تطلبون العين مني فداكم
==========32==========
ياصاحب الجوال وش فيك سجيت
حتى الرسايل تبخل بها اليوم عني
كان السبب مني قل أنا وش سويت
مذكر بدر عني خطأ يزعلك مني
وكان السبب دنياك وفيها تلهيت
فالله يتمم لك وجعلك دوم متهني!
==========33==========
عسى الردي ياكاسب الطيب يفداك
ماهو كفو يفداك! يفدى رجولك
أنت الذي على روس الأشراف مبداك
وألا الردي مهما تعب مايطولك
مدت يمينه ماتجي عند يسراك
وأغلى ثيابه ماتساوي نعولك!!
==========34==========
ياطير ياللي مرسالك صادق الود
ثن السلام وحب راسه وقله
قله ترى له حشمة مالها حد
حشمة عليل فاقد اليوم خله
وقله ترى حالي من البعد ذله
كريم فاقد كل حله
وقله ترى لك خاطر في القلب يفداك في روحه وماله وكله
==========35==========
بأوعدك وأنا على الوعد أبتديت
شوقي بقلبي وأنا قد الوعد
وأعرف‏ إني بالوفا منك شريت
عشرتك ومحبتك طول الأمد
شايل قلبي على كفي وجيت
خذ حياتي بس أبي قلبك بعد
وش تبي أكثر من أحساسي هديت
وش تبي أعطيك من عمري بعد
==========36==========
لأهل المكارم عند الأجواد تقدير!!
وعلومهم تفخر بروح الشجاعه!!
وراعي الوفا والطيب مذكور بالخير!!
مثلك وذكره حي في كل ساعه!!
عز الرفيق اللي مثل سالم الزير!!
سود الليالي ماتغير طباعه!!
==========37==========
الوقت غربة وآخر الدرب عنوان
والعمر رحلة والتجارب رحايل
وأنا كثر مالي من الناس خلان
اللي صفولي بالشدايد قلايل
مرات ربك يرزقك خوة أنسان
غالي ويسوى في عيونك قبايل
==========38==========
وقتي بدونك لو هدى ماهنالي
وألقى الهنا كله بشوفك ولقياك
لو أروح لأبعد مكان أويفرقنا الزمان
لا تظن أنسى من سماه قلبي أغلى إنسان
==========39==========
أنا أحبك ولاودي تعيش بدنيتك زعلان
تري الأيام محسوبه وتالي العمر فاني
أنا لامن شفتك بضيقه أحس أني أنا الغلطان
أعاتب نفسي بنفسي ولو ماكنت أنا الجاني
==========40==========
لك في وسط قلبي شيوخ وقبايل
يمشون تحت أمرك علي مابغيته
أضرب بهم ضلع الجبل ويتهايل
وأقطع بهم عرض البحر لانويته
أنت الملك والمملكه والقبايل
وأنت الخوي اللي أبد مانسيته
==========41==========
لا شان حظك والليالي تحدتك
أصبر عليها والصبر زين لوطال‏
لاتنحني للوقت وتروح هيبتك
تصفق بك الايام من جال في جال‏
وإن كان همك في الزمن بس لقمتك
الفول بريالين والخبز بريال
==========42==========
ياليال الود ودي له رساله
لا قراها يعرف أني مانسيته
علميه أن الغلا فاحت دلاله
فوق جمر الشوق يوم أني أحتريته
مانسيته لو طراله ماطراله
ساكن باقصا الحشا والقلب بيته
==========43==========
الصداقه بير . . والصدق الدلو. .
والوفا ماها . . وأنا طلابها
والنشاما . . فلطولات إعتلو
والرخوم . . منوخات ركابها
وأنت . . لو تحتاجني عطني ألو
فدوتك عيني . . وسود أهدابها
==========45==========
أحدن سرى بالليل لعيون غالين
وأحدن مع الأيام ذاق المراره
أحدن سرى في داخله ألف سكين
وأحدن مع الحرمان روح نهاره
وأنا شكيت من ظلم الأيام همين
هم الفراق وهم قسوة زماني
==========46==========
حالت مسافات الدروب الطويله
مابيننا وأنتم على القلب غالين
لأهل مزن الغيث وأرخى هميله
أقوم أطالع ساري البرق من وين
وأقول يابرقن عيوني تخيله
لاتمطر إلا يم دار العزيزين
==========47==========
نركض بها الدنيا على كل مجناب
ولا عاد نحصي يومها من شهرها
دنيا تقلب ماعرفنا لها أسباب
ياالله دخيلك من بلاوي دهرها
وتبقى الرفيق اللي لنا عز وحجاب
لو بينت سود الليالي كدرها
==========48==========
أصبر وياتي للزمان أنفراجه
والناس قالو كل مطرود ملحوق!
وأن ضاق صدرك بين هم وحاجه
لاتبدي أسرارك على غير موثوق!
ولو كل من يمرض عرفنا علاجه
ماضاعت الدنيا ولامات مخلوق!!
==========49==========
بعض العرب لاغاب ماعنه منشود
يعني ليامن غاب نلقى بداله
وبعض العرب لو غاب لحظات مفقود
يعني ليامن غاب نرجي وصاله
مادام لي حبل بالأحباب مشدود
ماأنساك والله شاهد بالرساله
==========50==========
مايرتكي للمعظلات وينقل الحمل الثقيل
ألا ثقيل حافظ قدر اللحا وأشنابها
متراكي بين الجبال اللي لها ظل ظليل
النايفات الشامخات الراسيات أهضابها
قد المكانة قدها وقدود يالسيف الصقيل
شبيت نار المرجلة والنار من شبابها
==========51==========
ماللعمر في بعض الأيام قيمة
لاغاب عنك من تعزه وتغليه
تصبح حياتك في بعاده سقيمه
ويفز قلبك كل ماجاك طاريه
دام المحبه تمطر الوجد غيمه
وصل الحبايب عهد لازم نوفيه
==========52==========
ياحيلة الله ويش أسوي ‎بالأقدار
مالي على رد المقادير قوة
مكتوب أصير بدار وتصير في دار
وقلبي يعاني من فراق الأخوه
ياما صبرت وراعي الود صبار
يخفي عذابه كان عنده مروه
==========53==========
أحد يجي غالي ونفسه عفيفه
وأحد يجي بريال ويروح بريال
ياصاحبي مد اليمين الشريفة
خوتك تسوى العز والجاه والمال
عهد كتبته في بياض الصحيفة
وإللي يخون العهد ماهو برجال
[[ خاص لك ]]
==========54==========
الرفاقه شهادة حسن سيره وسلوك!
وأنت والله رفيق مانجي مستواك!
أنت شخصك رصيدن مادخل بالبنوك!
مثل حد المهند في نهار العراك!
فيك طيبة فقير وفيك حشمة ملوك!
وفيك شخص مثالي في عيون أصدقاك!
==========55==========
حالي عقب فرقاك حالة عليان
ساعة جفاة أخوه في طاش ماطاش
‏وأصبح سمير وهو من أول سعيدان
وصارت حياته كلها ماش في ماش
==========56==========
جتني رسايل غالية تشبه النور..!
أحبها من حب شخص كتبها..!
من يمنعه لو يسكن العين ويجور..!
من يمنعه لو كان يتلف عصبها..!
تفداه عيني بس ألاقيه مسرور..!
والثانية تحت الطلب لو طلبها..!
==========57==========
عندك خبر وش قيمتك في حياتي‏
غالي ولك فيها مكانة وتأثير..!
مهما أفترقنا لك محبة بذاتي
فيها الوفا رمز على كل تقدير..!
ماأقول غير إنك(تساوي حياتي)
ولا أقول غير:
(الله يذكرك بالخير)
==========58==========
تصدق كلمة أحبك ومشتاق حيل ماتكفي
أنا ودي بكلمة مالفظها بالبشر غيري
تعبرلك عن أحساسي تبين منتهى وصفي
تبين لك غلاك اللي مايكفيه تعبيري
دخيلك شق صدري شف وش لك داخل ضلوعي
وربي بتدمع عيونك بحب عنه ماتدري
==========59==========
ياروح روح الروح روحي تودك
ياحال حال الحال ياحال حالي
ياقلب قلب القلب قلبي يحبك
يانور نور العين ياأعز غالي
ملكتني واليوم كلي بيدك
آمر على تدلل يابعد حالي
أقسم لكم بالله ربي وربك
مخلص لكم بالحب أول وتالي
==========60==========

موضوع: رد: رسائل نصيه جميله 31.05.10 13:55

موضوع رائع
سلمت يداك على الطرح المميز
يعطيك ربي الف عافيه
ولا يحرمنا من ابداعك وتميزك
بنتظـــــــــــــــار جديدك
يشرفني اكون اول من رد على موضوعك
مع اطيب تحياتي وتقديري
شبل القحاطين

موضوع: رد: رسائل نصيه جميله 01.06.10 15:53

مشكور والله يعطيك العافيه لاهنت

موضوع: رد: رسائل نصيه جميله 01.06.10 19:18

مشكور الله يعطيك العافيه على الجهد الرائع

تقبل مروررررري

موضوع: رد: رسائل نصيه جميله 01.06.10 21:44

مشكورين على المروررررر العطر

موضوع: رد: رسائل نصيه جميله 18.10.10 1:20

ابداع والله يا ابو عبدالله
ولاهنت
وتقبل مروري

» رسائل رومانسية رسائل حب رسائل غرام 2012 للجوال
» مجموعه قصائد نصيه روووووعــــه
» مسجات شوق وحب جداً جميله ذؤؤؤق
» بيوت غريبه لكنها جميله
» رسائل رمضانيه