أبـــــــــــــــــن علـــــــــــوش

[center] السلام عليكم ورحمة الله وبركاته

ابـــــــــــــــن علوش

خلوها..ياهل الشعر واخماس الاسداس
قصيدتي هذي خطيره ..مثيره
للـه..وللتاريخ..ولكل هالناس
ولـ هالحياة الزايله والمريره
واللي مهوب لذرزة الفكر عساس
ينضم لـ اصحاب النفوس الكسيره
اللـه الاول من قبل لفظ الانفاس
عز وجل من الظنون الصغيره
مامثل مثله مثل..ولاله اجناس
يخلق مخلوقه ولايستشيره
اذل له وانصاع له واحني الراس
اللي جعلني ماعبد رب غيره
عساه يكسوني من السندس الباس
في يوم يعرابه الاميره ولـ اميره
شاعر وذنبي غير وسكوتي اجراس
ونفسي على ماللـه عطاها فقيره
من كثر ما اعطي حب واخلاص واحساس
انا ماعاد اعرف وشلون اصيره
في عقلي الباطن عقيده ونوماس
وفي واقعي خوف وتردد..وحيره
هل ياترى ببني على حلمي اساس؟
ام ياترى ببقى على هالوتيره؟
والافلاس ماهو افلاس من حلم الافلاس!
اذاك ماتملك لنفسك بصيره
ماخلق شي الا بقدرن ومقياس
ماشي يغلب شي اويستعيره
اللي خلق خوف وخلق ضيقه وياس
خلق امن وافراح وحب وبريره
لذلك اللـه لايوليني انجاس
ويكسوني بفضله ومنه وخيره
الرب اذا تحتاج له صرت نبراس
والانسان اذا تحتاج له صرت اسيره
والناس ناتج ناس استلطفو ناس
ابناء رغبة واستهامه وغيره
لولا التلاطف واللي مابين الاقواس
ماشفت هالعالم شفوحه غفيره
ندور ويدور بنا كل هوجاس
ومن اجل ذلك روسنا مستديره
الكل تايه في مصيره ومحتاس
وماهوب هو اللي يحدد مصيره
فـ ياليت ماتنسى الذواليق غراس
وماينسى مجرى المياه وخريره
اعلّم اللي عاث من بعد ماجاس
ترى الجهل راس الامور الشريره
الانسان لو يملك من الجن حراس؟
احقر ذبابه قادره تستثيره
وين الملوك اللي على اقباب الافراس
راحو وخلو المغريات الكبيره
هالارض ياللي برجل الناس تنداس
بواقي ابن دواد وابن المغيره
الله يلعن كل مشرك وخناس
والله يلعن هالحياه القصيره
صغيـّر الادراك وصغيـّر الباس
يشوف كل الناس مثله صغيره
ياقلب برّد كل ماهب نسناس
مادام هاليمنى نديـّـه وجديره
يفداك من رزقه قتات وتمراس
لولا رئتينه ماطلـّـع زفيره
شفاه من طرد الملذات يباس
وهو على عد الرواة وغديره
حديثه فما قال حمزه فـ عباس
ماحدّت لمسلم عن ابو هريره
العمر فرحه وحده وعشرة اتعاس
ومن لايجيره خالقه من يجيره؟
ومن عاش شاف وكل غبه بغطاس
والصدق خيره مذخرته الذخيره
كل ما اكتشفت من الاصاحيب بلاس
اقول يالله جعل فـ الامر خيره
خيره تعرف ان به اصحابك اخساس
خيره ولكن ياعساها الاخيره
اقسى جروح الناس تغلبه بنعاس
مايذبح الانسان الا ضميره
بعض البشر مثل ابتسامات الاعراس
على كثر ماهي مثيره...ضريره
وحيد ولاعندك من الناس جلاس
اخير من شر الكلام وسعيره
والكل مايخلو من اخباث وادناس
في كل نفس هناك حاجه مريره
فـ من قبل لاسوي مشاكل مع الناس
عندي مع نفسي مشاكل كثيره

[/center]

مشكور والله يعطيك العافية

مشكور والله يعطيك العافيه لاهنت

مشكور الله يعطيك العافيه على الطرح المميز

لك ودي ومتناني

اسعدني مروركم العطر

كلمتان خفيفتان على اللسان
ثقيلتان فى الميزان
حبيبتان الى الرحمن
(سبحان الله وبحمده . سبحان الله العظيم )
.
يارب لك الحمد كما ينبغى
لجلال وجهك ولعظيم سلطانك

( ومن احياها فكانما احيا الناس جميعا )

{صدق الله العظيم}

قصيده جميله وطله جميله مشكور والله يعطيك العافيه على الطرح المميز

صح السان الشاعر

لك تقديري

مشكوووووووووووووووووووووووووووور
سيف ولاهنت على الأبداع
وتقبل مروري