قصيدة لاتعذلوووني للشاعرة ومضة

ويلي من اللي سلب روحي وجننـي
ابطيت اماري به الدنيا علـى ذاتـي
اهيم بـه ماعـرف وشلـون هيمنـي
ووشلون قلبي معه في كل نبضاتـي
طاريه بين العـرب لاجـا يلعثمنـي
واذوب مع سيرة المعشوق بسكاتـي
واليوم انا واصله حـدي فـلا منـي
رجا وابرسل سلامـي مـع تحياتـي
لاتعذلونـي تـراه الشـوق ذابحنـي
اباتغـزل بخلـي باعـذب ابيـاتـي
الصاحب اللي ملك قلبـي وعشّقنـي
غديت اسيـرة هـواه بكـل حالاتـي
لامرني فـي طريقـه عجـل يفتنـي
وان شفت عينه تضيع الدرب خطواتي
ولاشفت وجهه حسبت البدر واجهني
ولاشفت شفته قمت اعضض شفاتـي
جننـي القـاه مـن حولـي يكلمنـي
يذبحني احساسي انه ساكن امراتـي
اشوف به حلم عمري واسكتوا عنـي
ترا جنونـي يزيـد بهـذرة اوشاتـي
خلوني اهوى على كيفي على ظنـي
واللي يجيني قبلتـه فـي مساراتـي
مافـي يـدي حلية(ن)ربـي يحللنـي
بس آتمنـاه واسـرح فـي خيالاتـي
ياليـت خلـي معـي ولايفارقـنـي
وانـا حلالـه ولاتخفـر ملـذاتـي



ومض