إغلاق جهاز الكمبيوتر وأنت برا البيت

السلام عليكم ومساكم الله بالخير والدفآ

إغلاق الجهاز بوقت محدد وبدون اي برنامج
مافيها أي تعقيد ومفيدة قوة ,

لنفرض مثلا ً
انك تنزل ( Download ) شي من الانترنت
وهالتنزيل يبي له وقت كثير وأنت مستعجل وتبي تروح لأخوياك أو تكشت
أو تبي تنام و تبي بعد ماينتهي من الـ Download يطفى جهاز الكمبيوتر بعد مدة معينه ,

خطوات سهلة :

1- أضغط على أبدأ start ( إبدأ )
2- أضغط على تشغيل Run ( تشغيل )
3- ثم أكتب الأمر التالى :

shutdown -s -t 3600

مع مراعاة المسافه بين الحروف
( أنسخه كما هي )

ايضاً مع مراعات ان العدد 3600
( عباره عن عدد الثواني = ساعة )

هذي المدة المحددة الي بعده يطفى الجهاز ,, وتقدر تزود المدهـ
بـ ضرب القيمه ((3600)) في عدد الساعات الي تبي

مثلا ً تبي بعد ثلاث ساعات
.. 3600 × 3 = 10800
يعني تكتب الأمر في Run كذا

shutdown -s -t 10800

.. طبعا ً للي يبي يستفسر عن كيف جبنا القيمهـ 3600
هي ناتج الضرب الدقايق في الثواني ... 60 دقيقه × 60 ثانيه = 3600

مهم :
بعد كتابة أمر الإغلاق
يطلع مربع يعلمك كم بقى من الوقت على إطفاء جهازك (( بالساعة و الدقيقة و الثانية ))

كيفية إلغاء أمر ايقاف التشغيل :

لنفترض إنك هونت و رجعت بسرعة من المكان اللي رحت له قبل يطفى الجهاز
وتبي تلغي أمر إيقاف التشغيل على الجهاز ,

بسيطة

1-أضغط على أبدأ Start
2- أضغط على تشغيل Run
3- أكتب الأمر التالي

shutdown -a

تم ألغاء عملية الـ shutdown للجهاز