اطيبهم اللي عطاك الجرح

شاعرة من غيم .. (سماء غازي) * اسم استطاع الخلود في قلب الذائقة خلال فترة قصيرة جداً : )


لـ نطير مع هذه الشاهقة :



البارحـه والكلام رماح تدميني
.......... خلَصت من ما بقى من صادق النيه !
يمه وانا اللي لهم كم ضاقت سنيني
................ تأملي كيف خنجرهم عثا فيّه !!
لا الناس ناسي ولا دربي يقديني
.............. فيه الخطاوي ماعاد تشيل رجليه
إن كان حتى سند ظهري وغاليني
.......... جاروا على خافقي وش عاد بيديه !؟
كنتي تقولين وان شان الزمن زيني
................ ذنب الزمن ماهو بهذا ولا ذيه
وكنت انسب الذنب ليه والعن يميني
....... يوم احسب انْها تعري الصبح من ضيه
ومره وانا تايهه ما بيني وبيني
........... جيتي يايمه عن اسموم الفكر فيّه !
بسطت لك صدري * وقلتي لي اوحيني
........ (أطيبهم اللي عطاك الجرح عيديه) !!
هنا تكاثر عنا يشبه عنا (وَيني) !!
............. هنا نبت درب بعظام أسئله حيه !
هنا سمت وحدتي لاجمل عناويني
............. واستفحل الحزن فيني وانكر بنيه
وقبل اختصر سكة الحاضر وأنفيني
............صوتك تهادى على جرحي بماويه :
( لكن راع المثايل يا نظر عيني
..... يغضي عن الصاحب ولو زاد في غيه ) !
تدرين يمه ؟ تعبت اتعب واخليني
..............بنتٍ بها الطيب زايد حده شويه !
أصحابي اليوم صبوا في شراييني
............ اطعونهم واستباحوا طهر اياديه !
ياليتها كانت شويه واعدّيني
.......... على حدودٍ بها الروحه كما الجيه !
ايه امنية خافقي اشبهك واغنيني
........... عن الشعر والكلام وعن خطاويه !
لكن! وين السما عن أرضي وطيني
.............. حتى خفوقي خذلني يابعد حيه !



مماراق لي

لاهنت يابو عبد الله


ذوق في غاية القمه


لك مني اجمل تحيه

لاهنت على الطرح المميز
منك يا ابو عبدالله
يا رائعنا
وتقبل مروري