" الشياب المحظوظ"

موضوع: " الشياب المحظوظ" 14.05.10 17:46

الشايب والوايت

[center]يسولفون عن شايب نوى يشتري له وايت علشان يسقي الحلال , وذالشايب متقاعد
وشاريله رعية غنم
وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال
فقام و توكل على الله وعزم يروح يدور له وايت.
صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.
عجب خوينا
الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح
أوصلهم وأشوف كم هو واصل سومه و إذا هم حادينه اشوف كم هو عليه.
وصل عندهم الشايب ووقف يسمعهم يحرجون , وأستانس بالحيل لأنه ماهو بغالي.
ولا ذاك الرجال
ماسك الميكروفون ويحرج 50,,52,,55,,ومن قال زود ,
قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.
وخش معهم بالحراج ,,,56,,,ويزودون...ويزود...ويزودون...ويزود.
المهم وصلوه 75,,,قام خربها وقالهم ,,,80
هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!
يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب
وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك
بمليون ريال ذالحين ,,ذالحزه
بس مانشوف وجهك واقف معنا بالحراج .
انصدم الشايب ..أفتر راسه شوي وقال هااااا..وش السالفة..؟؟؟
مليون ريال ..وليه..؟؟
قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.
وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري
وش السالفه!!!.
طيب وش العلم علمني ..؟؟
علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي
جايبينه يرشون به الأرض علشان يحرجون.
والحراج من اليوم بــ 56 مليون و 75 مليون..وابو الشباب (الشايب) خش عليهم عرض
ولايدري وش العلم.
وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..
وهو ماصدق. طاير من الفرحه,,مليون,,ويقول بخاطره
عجزت وأنا اجمع خمسة وثمانين ألف ويجيني ذا الرزق من الله
فسبحان الله مقسم الأرزاق على عباده.
الرزق مثل الأجل يتبعك
******
الله يرزقنا بمخطط بالغلط.
ماحولكم وايت للبيع هههههههههه....

[/center]

موضوع: رد: " الشياب المحظوظ" 14.05.10 21:04

مشكور اخوي المشعلي

على الجهد الاكثر من رائع

لك ودي واحترامي

موضوع: رد: " الشياب المحظوظ" 15.05.10 12:43

موضوع: رد: " الشياب المحظوظ" 16.05.10 21:49

مشكور أخوي المشعلي على الموضوع

الرئع

تقبل مروري

موضوع: رد: " الشياب المحظوظ" 16.05.10 23:10

لا هنت على الموضوع الرائع المميز

تقبل مروري

موضوع: رد: " الشياب المحظوظ" 26.05.10 3:17

مشكور اخوي وتقبل مروري[

موضوع: رد: " الشياب المحظوظ" 27.11.10 1:30

» صنعاء تحذر الحوثيين من "اللعب بالنار" والعودة للقتال
» أهم حاجة ((أحــــبـك)) لا يهمونك " شيله روعه "
» "عزي لحالي والديار خلي" مهنا العتيبي