مايموت الحـر مغبـون

كل ما باقـول شـي بخاطـري اكتـم واخجـل
لين ماشفت الحيا ذابـل وانـا ماسـك عروقـه



الحيـا ديـن ومـن الايمـان فالسنـه مسجـل
والادب \ والذوق \ والاخلاق \ ماتعرّف طروقه !



ياصغير السن معروف الرجـل واللـي تمرجـل
كارهين اللي شفوح النفـس للعـذرى لحوقـه !



كان ماوالله تخجل غيـرك مـن النـاس يخجـل
وانتبه دام اللحى للحيـن ... ماعـاد محلوقـه.



لكن اهتن ياصغير النفـس بالصيحـات جلجـل
دام انا من ناس ..ماترضى قبيلي ناس عوقـه!



بيّض الله وجه ابوي اللي علـى فرقـاه عجّـل
عاسف ٍ نفسي على الخيـرات خلاهـا شفوقـه



والله اني شاعر ٍ كم بيـت مـن قلبـه تسجـل
مايحسه غيـر قلـب ٍ سايّـلات دمـوع موقـه



الذليـل الحيـن بالعـز .. حـرّ ماكنـه مبجـل
والعزيز امسى ذليل الهم . والنفـس محروقـه



من زهدبـك اتركـه وارحـل وللعليّـا ترجّـل
مايموت الحـر مغبـون .. وْيـتلـّنـه سبوقـه !

مما راق لي

مشكور ابو عبدالله
على الطرح المميز
وتقبل تحياتي ومروري