قلوبنا معكم ياجنود الوطن لردع الحثاله المعتدين ...
ليتني جندي مرابط علـى حـد اليمـن
اخذ اسلاحي واشارك مع ارجال الجنوب
لو تروح الروح فدوه على شان الوطن
اقصف اللي معتدي لين ماغيره يتـوب
عادة الجيش السعودي الى العايل فتـن
وقفته بالفعل ترهـب قوييـن القلـوب
مانسلّم بالشدايد وفـي وقـت المحـن
من يشوف افعالنا مانوى غير الهروب
واقفينٍ قلـب واحـد ونعلنهـا علـن
جيشنا من ينوي الشر شبو به شبـوب
راية التوحيد تبقى على طـول الزمـن
مسلمين ومانهاب المواجه والحـروب
ياملكنا كان ناديـت لبّـت لـك مـدن
كلها تعلن لك الحب واتحظّـر شعـوب
مانهاب الموت والحرب نلبس له كفـن
ماتـرادا عزمنـا لويزيـدنّ الكـروب
قلتها وانا اعتبرني علـى حـد اليمـن
جنديٍ ينقل سلاحه مع اجنود الجنوب
الرئيسية 
موضوع: قلوبنا معكم يا جنود الوطن 
29.05.10 18:34
