محاوره بين ثامر الحارثي و عايض بن شارع المشعلي

تنسيق للمحاوره التي قامت بين الشاعرين ( ثامر الحارثي ) و ( عايض بن شارع المشعلي )
قام بتنسيقها اخونا العزيز ( المشعلي ) " المراقب العام " مشكوراً

ثامر الحارثي





سلام ياللي تكرمون ضيوفكم في كل حال
اللي تجيب الطيبه واللي تجيب الغايبـه
ماني من اللي في مواقيفه سريع الانفعال
طبعي صبوروكل رميه من زنادي صايبه



عايض بن شارع المشعلي




يا مرحبا ترحيبة" ترضي طحاطيح الرجال
واما العلوم الثانية فالنفـس منهـا هايبـة
احذرمن اعلوم" تخالف لاصحيح ولا خيال
يمكن رصاصك صفر وانته للمعارك جايبه


ثامر الحارثي




دام البقا يااللي مقلطنا على صفر الدلال
وحرام يادلتك عن كبش الضحيه نايبـه
إجمالنا بوسومها ماهي كما بعض الجمال
اللي تلاقيها على الطرقات دايـم سايبـه



عايض بن شارع المشعلي




يالحارثي بعض السوالف لا حرام ولا حلال
لكن وردها ونفسـي مـن بعضهـا طايبـه
وجمالنا من فضل رب البيت لو كانت غفال
تارد لو كبود العـدا ممـا تشوفـه ذايبـه



ثامر الحارثي




من بعد ردينا التحيه وابتدى زم المثـال
حاذر تجي بالرميه اللي عن مثلها خايبه
لو كان تسكن ديرة الشيشان لو عدة ليال
بتعود يامشعل ولد قحطان نفسك تايبـه



عايض بن شارع المشعلي




درب العداله يالمغني لا يمين ولا شمـال
ومادام جاك الشيخ لا يلعب بعقلـك نايبـه
أنا احمد الله في مكاني بادي" روس الجبال
مالي ومال سويسرى واهل العيون الرايبه


ثامر الحارثي




درب العداله في زمنا عن قديم الدرب حـال
وماشفته انته دوب خمس اعشار من غرايبـه
دامك جبل فافسح لضلعان العرب جنبك مجال
وخل ابن حرب يبين لقومه حـداد حرايبـه



عايض بن شارع المشعلي




مادام حمل شعيل ياثامر عن العدلات مال
راع الطلايب وش يحصل لو بغى طلايبه
عود لدارك ياصحيبي واشرب الجم الزلال
والراعي المصلاح كيف يغيب عن حلايبه



ثامر الحارثي




شبيت ضوي فاليمن وانته تدور لي شمال
لكن ليلي مانويت ارجع بعد مسراي بـه
حالب حلالي يوم كل ن مرويته ام العيال
شد الكمر ولا مزادك عفت من مشراي به



عايض بن شارع المشعلي




يالحارثي صليت فالمسجد بعد ماأذن بلال
ورقيت عالي منزل"سهل" علي مرقاي به
شربت من زمزم وخليت المعاند والجدال
يوم" عينك تالي المحراف منـي شايبـه



ثامر الحارثي




الناس صلت فرضها وانته عن القبله عـدال
ولاتركع الا فالرواتـب والسنـن والنايبـه
وإذكر بعد حولت من ضلع الهدا والدم سال؟
لكن لايجرحك من هو صرت مـن حبايبـه




عايض بن شارع المشعلي




انا احمد الله يوم هانت كربتك والشـر زال
وعذاب بعض الناس يالصاحب سبب قرايبه
ما هيب لي عادة سواتك يوم تبدي فالطوال
ياصاحب" في السوق جانا سايق" جلايبـه



ثامر الحارثي




من بعد هدينا السباع ازرت تصيد النا الغزال
من داخل المحميه اللـي حاميـه سرايبـه
ياصاحبي مالي من الساحل عمام ولا خوال
واسوق لي من وارد الامواج سلعه عايبـه




عايض بن شارع المشعلي




يا صاحبي ما فيه غير الذيب سّراي الليال
خل الغزال الشارد يمشّـط لكـم ذوايبـه
مانيب ناشد صاحبي فيما مضاله ويش قال
لابـد ميـدان الزمـان يعلمـه عجايبـه


ثامر الحارثي





عبدالغفور اليوم ثوبه زاد فيه من السبال
ياليت فكره يتبع السنه ونفسـه طايبـه
لكن وردها على عذب المنابع والحبـال
وابشر بصحبه حاتميه مادخلها شايبـه



عايض بن شارع المشعلي





يا ثامـر انـدور علـى الوافـي ولله الكمـال
واثر المزكي ساق مالـه فـي يديـن الجابيـه
عفت الصحيبه والصحيب وعفت سوقي للجمال
وغزيت بالرمح السنين وسرنـي مغـزاي بـه