تـجـــارب الــــدنيــــااا ...

الله من دنيا بها العقل يهتال

عجزت اميز جدها من هزلها
دنيا تبدل كل يومٍ لها حال

فيها التجارب منتهها فشلها
الذيل رأس وعودت روسها اذيال

وذيب الجبل ماعاد يقرب جبلها
والمرجله تشرى وتنباع بريال

منازلٍ ينزل بها غير اهلها
حتى بغيت اشك ما فيه رجال

واللى تعزه ما جزاك ابدلها
أبرآي لله من شغاميم الأبطال

وعن هرجةٍ هراجها ما عقلها
لكن في بعض المواقف والأحوال

أشوف حاجه خاطري ما احتملها
وأنا كذا ضد التعالي والإقلال

ولا أحب من نفسه بنفسه شكلها
ناسٍ قليل بحقها قول جهال

تبي على العاقل تمشي حيلها
ولا لهم في دوحة المجد مقيال

قبل يتبدل جريها في مهلها
وش عاد لوهم من رجالات الاعمال

علوهم دنوهم من سهلها
ياما وياما صوب الحمل ما مال

واليوم شيل أحمولها ياجملها
مليت أهد الروح ووسع البال

على النفوس اللي كثير زللها
أدمح خطا الجاهل على شان عقال

وعقالها عن واقع الأمر تلها
ومن يتبع المقفين منعوت باهبال

زراع صبخا خاسرٍمن بعلها
يا ليت من قفا على عز واجلال

لكن على الخيبة وقلة حصلها
ويحسبه فاد قليل الفود والفال

عقب القراح العذب يشرب طملها
ومن لاعرف مخراجها قبل مدخال

عليه يصعب عرفها يا دخلها
وغلطت غلطة عمر تبقي للاجيال

وتبقي مثايل يستدل بمثلها
صدقت صدقان المصالح ولانذال

والمصلحة ما عمرها طال اجلها
والرجل معدن والمعادن لها أشكال

وصدى الحديد يعود مهما تغسلها
والا الذهب باقي على اصله ولازل

ولا فيه حاجة ما تعود لأصلها
وأعوذ بالله من هل القيل والقال

هذاك ينقضها وهذا فتلها